Cofnodion cryno - Y Pwyllgor Deisebau

Lleoliad:

Ystafell Bwyllgora 1 - y Senedd

Dyddiad: Dydd Mawrth, 13 Medi 2016

Amser: 09.00 - 10.35
Gellir gwylio’r cyfarfod ar Senedd TV yn:
http://senedd.tv/cy/3702

Yn bresennol

Categori	Enwau
Aelodau’r Cynulliad:	Mike Hedges AC (Cadeirydd) Gareth Bennett AC Janet Finch-Saunders AC Neil McEvoy AC
Tystion:	Margaret Hutcheson, Deisebydd
Staff y Pwyllgor:	Graeme Francis (Clerc) Kath Thomas (Dirprwy Glerc) Jessica England (Dirprwy Glerc) Jonathan Baxter (Ymchwilydd) Katie Wyatt (Cynghorydd Cyfreithiol)

<AI1>

Trawsgrifiad

Gweld trawsgrifiad o drafodion y cyfarfod (PDF 165KB). Gweld fel HTML(177KB)

</AI1>

<AI2>

1 Cyflwyniad, ymddiheuriadau, dirprwyon a datgan buddiannau

Croesawodd y Cadeirydd bawb i’r cyfarfod.  Ni chafwyd unrhyw ymddiheuriadau.

</AI2>

<AI3>

2 Deisebau newydd

</AI3>

<AI4>

2.1 P-04-688 Gorsaf Bŵer Tata Steel ym Mhort Talbot

Ystyriodd y Pwyllgor y ddeiseb am y tro cyntaf ac, o gofio bod y Pwyllgor Menter a Busnes ar y pryd wedi cyfarfod i drafod y materion a oedd yn ymwneud â TATA Steel ar ddiwedd y Pedwerydd Cynulliad, cytunodd i ofyn i Bwyllgor yr Economi, Seilwaith a Sgiliau a yw’n bwriadu ystyried y mater ymhellach, ac os felly, a fyddai’n cynnwys y materion a godwyd gan y ddeiseb fel rhan o’r ystyriaeth honno.

</AI4>

<AI5>

2.2 P-05-698 Ailenwi Maes Awyr Rhyngwladol Caerdydd yn Maes Awyr Rhyngwladol y Dywysoges Diana

Ystyriodd y Pwyllgor y ddeiseb am y tro cyntaf a chytunodd i ysgrifennu at Faes Awyr Caerdydd, yn gofyn am eu barn ar y cynnig penodol, ac ynghylch a yw wedi ystyried yr egwyddor o enwi’r maes awyr ar ôl person blaenllaw o Gymru.

</AI5>

<AI6>

2.3 P-05-699 Cronfa Driniaeth i Gymru - rhaid dod â’r Loteri Cod Post ynghylch Iechyd i ben

Ystyriodd y Pwyllgor y ddeiseb am y tro cyntaf ac, o gofio y gallai cyhoeddi cronfa driniaeth newydd fynd i’r afael â’r materion a godwyd gan y ddeiseb, cytunodd i ofyn am farn y deisebydd cyn penderfynu a ddylid cymryd unrhyw gamau pellach.

</AI6>

<AI7>

2.4 P-05-700 Ariannu Cyllid Myfyrwyr ar gyfer Cyrsiau Ôl-raddedig

Ystyriodd y Pwyllgor y ddeiseb am y tro cyntaf ac, o gofio y bydd y cynllun benthyciadau i fyfyrwyr ôl-raddedig ar waith ar gyfer y flwyddyn academaidd 2017-18, cytunodd i gau’r ddeiseb.

</AI7>

<AI8>

2.5 P-05-701 Gwelliannau i Ddiogelwch y Ffordd ar Hyd Cefnffordd yr A487 Rhwng Aberteifi ac Aberystwyth, i Gynnwys Mannau Pasio

Bu’r Pwyllgor yn trafod y ddeiseb hon am y tro cyntaf a chytunodd i ysgrifennu at Ysgrifennydd y Cabinet dros yr Economi a’r Seilwaith:

· Yn gofyn am amserlen fwy penodol ar gyfer yr adolygiad y mae ei swyddogion yn ei gynnal ar hyn o bryd, ac yn gofyn bod y Pwyllgor yn cael gwybod cyn gynted ag y mae canlyniadau’r adolygiad ar gael; ac

· Gan ddwyn i’w sylw sylwadau penodol y deisebydd sy’n gofyn am astudiaeth o ddarpariaeth lonydd goddiweddyd diogel, ac yn gofyn a fyddai modd iddynt gael eu hystyried fel rhan o’r adolygiad.

</AI8>

<AI9>

2.6 P-05-702 Gofynion presenoldeb y Lwfans Cynhaliaeth Addysg ar gyfer Oedolion Ifanc sy’n Ofalwyr

Bu’r Pwyllgor yn trafod y ddeiseb hon am y tro cyntaf a chytunodd i ofyn barn y deisebydd am yr ymateb cadarnhaol yn gyffredinol gan Ysgrifennydd y Cabinet dros Addysg.

</AI9>

<AI10>

2.7 P-05-703 Cynnig i ohirio’r Cyfyngiadau ar Bysgota yn Afonydd Cymru.

Ystyriodd y Pwyllgor y ddeiseb am y tro cyntaf a chytunodd i’w chau ac wrth wneud hynny, anfon sylwadau’r deisebydd at Gyfoeth Naturiol Cymru cyn ymgynghoriad arfaethedig y corff hwnnw ar fesurau rheoli stoc eogiaid sydd i gael ei gynnal ar ddiwedd 2016 / dechrau 2017.

</AI10>

<AI11>

2.8 P-05-706 Sicrhau bod ein Cynghorau yn cael eu Hadfywio drwy Gyflwyno Tymor Sefydlog

Ystyriodd y Pwyllgor y ddeiseb am y tro cyntaf ac, o gofio bod y cynnig wedi’i ystyried a’i wrthod gan Lywodraeth Cymru, cytunodd i gau’r ddeiseb. 

</AI11>

<AI12>

2.9 P-05-708 Gwneud Iechyd Meddwl yn Rhan o’r Cwricwlwm Cenedlaethol

Bu’r Pwyllgor yn trafod y ddeiseb hon am y tro cyntaf ac, o ystyried yr ymateb cadarnhaol gan Ysgrifennydd y Cabinet dros Addysg, cytunodd i gau’r ddeiseb.

</AI12>

<AI13>

3 Y wybodaeth ddiweddaraf am ddeisebau blaenorol

</AI13>

<AI14>

3.1 P-04-683 Coed mewn Trefi

Trafododd y Pwyllgor yr ohebiaeth gan y deisebydd a chytunodd i ysgrifennu at:

· Ysgrifennydd y Cabinet dros yr Amgylchedd a Materion Gwledig i ofyn os bydd canllawiau yn cael eu llunio ar y manteision y gall coed eu cynnig mewn trefi a dinasoedd ac ar wella brigdwf;

· Cyfoeth Naturiol Cymru i ofyn pa gefnogaeth y mae’n ei ddarparu ar gyfer plannu coed stryd unigol mewn trefi a dinasoedd.

</AI14>

<AI15>

3.2 P-05-691 Bargen Deg ar gyfer Ralïo mewn Coedwigoedd yng Nghymru

Ystyriodd y Pwyllgor ohebiaeth gan Ysgrifennydd y Cabinet dros yr Amgylchedd a Materion Gwledig a sylwadau pellach gan y deisebydd, a chytunodd i ofyn i’r deisebydd a Chyfoeth Naturiol Cymru p’un a ydynt wedi llwyddo i ddod i gytundeb, ac ystyried camau pellach yng ngoleuni’r ymateb.

</AI15>

<AI16>

3.3 P-05-654 Gwrthwynebu’r Cynigion Presennol o ran Dynodi Ardaloedd Cadwraeth Arbennig ar gyfer Llamhidyddion

Datganodd Janet Finch-Saunders y buddiant a ganlyn o dan Reol Sefydlog 17.24A: Mae hi’n hyrwyddwr y llamhidydd harbwr.

Bu’r Pwyllgor yn trafod gohebiaeth gan Ysgrifennydd y Cabinet dros yr Amgylchedd a Materion Gwledig, ac o ystyried y wybodaeth a ddarparwyd gan  Ysgrifennydd y Cabinet cytunwyd y dylid cau’r ddeiseb.

</AI16>

<AI17>

3.4 P-04-547 Gwahardd Deunydd Pacio Polystyren ar gyfer Bwyd a Diod Cyflym

Bu’r Pwyllgor yn ystyried gohebiaeth gan Ysgrifennydd y Cabinet dros yr Amgylchedd a Materion Gwledig ac, yng ngoleuni ymateb Ysgrifennydd y Cabinet ac mai ychydig yn fwy y gallai’r Pwyllgor ei wneud i symud y mater ymlaen, cytunodd i gau’r ddeiseb.

</AI17>

<AI18>

3.5 P-04-516 Gwneud Gwyddor Gwleidyddiaeth yn rhan orfodol o Addysg

Ystyriodd y Pwyllgor ohebiaeth gan Ysgrifennydd y Cabinet dros Addysg ac, yn unol â phenderfyniad y Pwyllgor blaenorol, cytunodd i gau’r ddeiseb.

</AI18>

<AI19>

3.6 P-04-637 Diogelu Dyfodol Cerddoriaeth Ieuenctid yng Nghymru

Ystyriodd y Pwyllgor ohebiaeth gan Gyd-bwyllgor Addysg Cymru ac, o gofio nad oedd dim pellach y gallent ei wneud i symud y mater ymlaen, cytunwyd i gau’r ddeiseb.

</AI19>

<AI20>

3.7 P-04-677 Mynediad Cyfartal i’r Iaith Gymraeg

Trafododd y Pwyllgor ohebiaeth gan Weinidog y Gymraeg a Dysgu Gydol Oes a sylwadau pellach gan y deisebydd, a chytunodd i gau’r ddeiseb.  Wrth wneud hynny, cytunodd hefyd i ofyn i’r Pwyllgor Diwylliant, y Gymraeg a Chyfathrebu ystyried y ddeiseb yn ystod ei waith craffu arfaethedig ar waith Comisiynydd y Gymraeg a Gweinidog y Gymraeg a Dysgu Gydol Oes.

</AI20>

<AI21>

3.8 P-05-694 Amseroedd Ysgol Awr yn Hwyrach

Ystyriodd y Pwyllgor ohebiaeth gan Ysgrifennydd y Cabinet dros Addysg ynghyd â sylwadau pellach gan y deisebydd a chytunodd i ysgrifennu at Ysgrifennydd y Cabinet i ofyn:

· a fydd hi’n ystyried rhoi canllawiau i awdurdodau lleol, fel yr awgrymwyd gan y deisebydd; ac

· a yw hwn yn faes lle y mae angen rhagor o waith ymchwil, ac a fyddai Llywodraeth Cymru yn cefnogi ymchwil o’r fath.

</AI21>

<AI22>

3.9 P-05-695 Cyflwyno Addysg Iechyd Meddwl Orfodol mewn Ysgolion Uwchradd

Ystyriodd y Pwyllgor y ddeiseb hon ochr yn ochr ag eitem agenda 2.9 (P-05-708 i Wneud Iechyd Meddwl yn Rhan o’r Cwricwlwm) a chytunodd i gau’r ddeiseb.

</AI22>

<AI23>

3.10P-04-553 Ymchwiliad llawn ac annibynnol i’r risgiau iechyd sy’n gysylltiedig â thechnolegau diwifr a ffonau symudol yng Nghymru, gan gynnwys yr holl ysgolion

Trafododd y Pwyllgor ohebiaeth gan Simon Mann, Pennaeth Adran Dosimetreg Ymbelydredd y Ganolfan Peryglon Ymbelydredd, Cemegolion a Pheryglon Amgylcheddol ynghyd â sylwadau pellach gan y deisebydd, a chytunodd i gau’r ddeiseb.

</AI23>

<AI24>

3.11P-05-693 Rhowch y Brechlyn Llid yr Ymennydd B i Bob Plentyn yng Nghymru am ddim

Ystyriodd y Pwyllgor ohebiaeth gan Ysgrifennydd y Cabinet dros Iechyd, Llesiant a Chwaraeon a chytunodd i ofyn am farn y deisebydd cyn penderfynu a ddylid gofyn am ddadl ar y mater yn y Cyfarfod Llawn.

</AI24>

<AI25>

3.12P-05-697 45,000 o Resymau Pam bod ar Gymru Angen Strategaeth ar Ddementia

Ystyriodd y Pwyllgor ohebiaeth gan Ysgrifennydd y Cabinet dros Iechyd, Llesiant a Chwaraeon a chytunodd i ysgrifennu at y deisebwyr, a oedd wedi’u gwahodd i fod yn rhan o grŵp gorchwyl a gorffen a oedd i gael ei sefydlu i ddatblygu strategaeth dementia, i ofyn iddynt annog y rhai sydd wedi llofnodi’r ddeiseb i roi eu barn ar y strategaeth pan gaiff ymgynghoriad ei chynnal arni.

</AI25>

<AI26>

3.13P-04-564 Adfer Gwlâu i Gleifion, Gwasanaeth Mân Anafiadau ac Uned Pelydr-X i Ysbyty Coffa Ffestiniog

Ystyriodd y Pwyllgor ohebiaeth gan Ysgrifennydd y Cabinet dros Iechyd, Llesiant a Chwaraeon ynghyd â sylwadau pellach gan y deisebydd ac, fel y gofynnwyd gan y deisebwyr, cytunodd i gadw’r ddeiseb ar agor ac i ysgrifennu at Ysgrifennydd y Cabinet a’r deisebwyr eto yn ddiweddarach yn yr hydref i gael adroddiad ar gynnydd.

</AI26>

<AI27>

3.14P-04-667 Cylchfan ar gyfer Cyffordd yr A477/A4075

Ystyriodd y Pwyllgor ohebiaeth gan Ysgrifennydd y Cabinet dros yr Economi a’r Seilwaith a chytunodd i ysgrifennu ato, yn mynegi siom ynghylch yr oedi wrth symud ymlaen â’r archwiliad diogelwch ffyrdd cam 4, ac yn gofyn iddo am amserlen fwy pendant.

</AI27>

<AI28>

3.15P-05-689 Gwelliannau i’r Ddarpariaeth Reilffyrdd yng Nghydweli Sir Gaerfyrddin

Bu’r Pwyllgor yn trafod gohebiaeth gan Ysgrifennydd y Cabinet dros yr Economi a’r Seilwaith ac, o ystyried y wybodaeth ddefnyddiol a gafwyd yn yr ymateb, cytunwyd y dylid cau’r ddeiseb.

</AI28>

<AI29>

3.16P-04-686 Dylid Gosod System Goleuadau Traffig yng Nghylchfan Cross Hands

Ystyriodd y Pwyllgor ohebiaeth gan Ysgrifennydd y Cabinet dros yr Economi a’r Seilwaith a chytunodd i ofyn am farn y deisebydd cyn penderfynu sut i weithredu ar y ddeiseb.

</AI29>

<AI30>

3.17P-05-690 Arwynebu Ffordd A40 Rhaglan - Y Fenni

Ystyriodd y Pwyllgor ohebiaeth gan Ysgrifennydd y Cabinet dros yr Economi a’r Seilwaith ynghyd â sylwadau gan Nick Ramsay AC a chytunodd i ysgrifennu at Ysgrifennydd y Cabinet i gael eglurhad ynghylch:

· Cynlluniau i godi rhwystr sŵn ochr yn ochr â rhan o’r A40;

· A yw’n dal yn fwriad gan Lywodraeth Cymru i roi wyneb newydd ar yr adran hon o’r A40, fel y nodwyd yn y Cynllun Gweithredu ar Sŵn 2013-2018.

</AI30>

<AI31>

3.18P-04-672 Dod â defnydd o’r Gymraeg i ben

Trafododd y Pwyllgor ohebiaeth gan y deisebydd, a chan iddynt deimlo na allent wneud rhagor i fynd â’r ddeiseb yn ei blaen, cytunwyd i gau’r ddeiseb.

</AI31>

<AI32>

4 P-04-668 Cefnogi Sgrinio Blynyddol ar gyfer Canser yr Ofari (CA125)

Atebodd y deisebydd gwestiynau gan aelodau’r Pwyllgor. 

Nododd y Cadeirydd y trefnwyd i’r Gweinidog Iechyd y Cyhoedd a Gwasanaethau Cymdeithasol fod yn bresennol yng nghyfarfod y Pwyllgor ar 27 Medi, a chytunodd y Pwyllgor i ysgrifennu ati i ofyn am ragor o wybodaeth am y gost a amcangyfrifir ar gyfer cyflwyno sgrinio ar gyfer canser yr ofari yng Nghymru gan ddefnyddio prawf gwaed CA125.

</AI32>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>